Irul S Budianto mujudake jeneng sing asring digunakake ing tulisane. Jeneng asline Khoirul Soleh. Lair ing Boyolali, 22 Juli 1968. Nate dadi jurnalis puluhan taun suwene, lan saiki nyambut gawe ing Badan Pengelola Keuangan dan Aset Daerah Provinsi Jawa Tengah, Unit Pengelolaan Aset Daerah (UPAD) Wilayah Surakarta dan Asrama Haji Donohudan (AHD).
Kajaba nulis geguritan, uga nulis puisi, crita cekak, cerita pendek, crita / dongeng anak, crita rakyat, crita remaja, crita wayang, esai-artikel, reportase lan liyane. Tulisan-tulisane kapacak ing medhia basa Jawa lan Indonesia, kayata : Suara Merdeka, Wawasan, Kedaulatan Rakyat, Minggu Pagi, Simponi, Swadesi, Surabaya Post, Karya Darma, Bahari, Solopos, Jaya Baya, Panjebar Semangat, Djaka Lodang, Mekar Sari, Panakawan, Jawa Anyar, Pagagan, Krida, Rindang, Desa Kita, Pustaka Candra, Buana, Praba, Merah Putih Pos, Pulung, Metro Jateng, Joglo Pos, Swaratama, Jemparing, Omah Tulis, Radar Mojokerto, Radar Surabaya, Haluan, Magelang Ekspres lan liyane.
Sawetara geguritane kaimpun ing antologi, kayata : Penyair Sastra Jawa Modern (1995), Senthong (2009), Gurit Sabrang (2013), Roncen Jiwa (2015), Serat (2016) lan Sur Bumi Sor Kukusan (2016). Salah sijine gurit “Epigram Dongengan Semut” ngrenggani novel basa Indonesia “GADIS TANGSI” karyane Suparto Brata, terbitan Kompas, 2004.
Profil penulis/editor dikelola oleh penerbit. Apabila menemukan ketidaksesuaian, silakan menghubungi langsung pihak penerbit.
Berhasil ditambahkan
